İstənilən saytdan video yükləmə
Bu yol bir az çətindir, amma imkanları daha çoxdur, demək olar ki, istənilən saytdan istənilən video və səs fayllarını köçürməyə imkan verir. Mahiyyəti ondan ibarətdir ki, web browser video yaxud səs oxudarkən onu kompüterin yaddaşına müvəqqəti fayl kimi yükləyir, o faylı biz görmürük və müəyyən vaxtdan bir silinir həmin fayllar. Adətən videolar flash playerdə oxutmaq üçün nəzərdə tutulduğundan əksər web saytlarda videolar .flv formatında olur, o videonu kompüterin yaddaşında saxlamaq üçün sadəcə həmin videonu tapıb adının axırına .flv yazıb istədiyimiz yerə köçürmək kifayətdir. Browserin müvəqqəti faylları saxladığı qovluq browserə və əməliyyat sisteminə görə dəyişir. Mən indi bir neçə browser üçün Windows 7 əməliyyat sistemində müvəqqəti faylların yerini qeyd edəcəm. Ümid edirəm kömək edəcək.
- A. Google Chrome --> C:\Users\"USERNAME"\AppData\Local\Google\Chrome\User Data\Default\Cache
- B. İnternet Explorer -->: C:\Users\"USERNAME"\AppData\Local\Microsoft\Windows\Temporary Internet Files
- C. Mozilla Firefox, Opera --> Məsləhət deyil :)
Qeyd 1. Göstərilən qovluqları tapmaq üçün "Gizli qovluqları göstər" seçimini aktiv etməyi unutmayın!
Bunun üçün: "My Computer"ə daxil olun, yuxarıda "Tools" (əgər yoxdursa ALT düyməsini basın çıxsın) ordan "Folder options", ordan "View" ordan "Show hidden files, folders and drives".
Qeyd 2. Xeyli sayda qovluqların yaxud faylların içərisindən sizə lazım olan adlı faylı tapmaq üçün həmin adın baş hərfini yazın, axtarış asanlaşsın.
Qeyd 3. Müvəqqəti faylların saxlandığı qovluqda çoxlu sayda fayllar olur ki, bu da bizə lazım olan faylın tapılmasını çətinləşdirir. Ona görə əvvəlcə browserin müvəqqəti fayllarını silib sonra istədiyiniz videoya baxın ki, müvəqqəti fayllar qovluğunda lazım olan faylı asanlıqla tapa biləsiz.
Qeyd 4. Müvəqqəti fayllar qovluğunda axtarışı asanlaşdırmaq üçün qovluqda faylları ölçüsünə görə nizamlayın (video fayllar adətən 7000 kb-dan çox, səs faylları isə 2000-3000 kb olur).
Faylları ölçüsünə görə nizamlamaq üçün həmin qovluqda boş yerdə mausun sağ düyməsini basın, "sort by" ordan da "size" və "descending" variantlarının hər ikisini seçin ki, faylları ölçüsünə görə an böyük birinci olmaqla sıralasın.
Mənbə: http://kayzen.az/
Sual müəllifi:
JokerVerilmiş cavab sayı: 3
Məlumat
Hörmətli Qonaq, sizin qeydiyyatınız olmadığı üçün siz rəy yaza bilməzsiniz.Xahiş edirik qeydiyyatdan keçin.
